Dil se dimaag
Shaam se andhera ka waqt
Kahi baar ajeeb lagta hai
Kabhi jo jugnoo dikhte the
Ab machar ke darr se chaukhat band hote hain
Kabhi khichad se farak nahi padha
Ab darr lagta hai safed pehne se
Ki kuch daag ateet ki tarah chipak na jaaye
Thakk si gayi hun roz kuch dhundte hue
Kal jo sachh tha aaj kuch naya hai
Badalte mausam ke saath badlte logon ke saath khaana khaya hai
Ye jo tum rumaani sthirtha chaah rahe ho
Vo ek kamzor vichaar hai
Uski neev toote dil par khadi hai
ek aur kharoch aur puri gir jaaygi
ek aur ghav aur puri mit jaaygi
Ab toh tum samajhdaar ho
Ab dekh bhi liya ki duniya kaise chalti hai
Sabka ek hi aashay hai ki
Kaam hi dharam hai
Toh 5 din dusro ke liye jiyo
Aur jo 2 din milenge usmei yaad kar lena ki tum kaun ho
Zindagi toh aasaan hai
Tumare dil ko samjhaana
Tumhara hi kaam hai
Ek aur kharoch
Fir vo bhi aasaan hai
Jaate hue meri ek hi salah hai
Hamesha dil chuna hai ab dimaag chun kar dekho
Kya pata dil naraz ho jaaye aur pehle ki tarah dhadhak jaaye
Kyunki abhi toh andar sab sunsaan hai
